紅燒半筋半肉牛肉麵 ($88)
Braised Beef Noodle with Meat & Tendon
另外草根仲試咗紅燒版本嘅半筋半肉牛肉麵🤤可能因為有熱湯浸住♨️，呢碗牛筋口感上比較軟身。牛肉同樣都係大大件，肉質滑滑嫩嫩，質素都唔錯嫁。而且以肉類配菜嚟講，呢間真係又多又好食，食甘多肉真心好滿足🍖❤️店員講紅燒湯底較淡味，但係草根覺得味道okay喎🙌🏻唔淡味嫁，整體味道比拌麵更好食😋
牛筋拌麵 ($88)
Beef Noodle with Tendon
由於草根妹妹中意食牛筋，所以特別叫咗一個全牛筋拌麵🥢拌麵冇熱湯浸住🍜，所以麵質食落特別煙韌，比平日食開嘅麵更有咬口。牛筋軟腍入味，又充滿膠質，草根妹妹就係愛❤️牛筋呢種Q彈嘅感覺😋。再者，牛筋大大嚿，份量好慷慨碎，不過呢碗牛肉麵$88蚊拍得住碗拉麵嘅價錢，好似貴左少少啊🙈
滷牛筋&滷牛肉 ($48)
Braised Beef & Tendon in Taiwanese Spices
今次草根一共試咗3款牛筋，有伴麵嘅牛筋、紅燒同滷水，雖然大家都係牛筋，但無論係質感、味道都有小許不同。
呢碟額外點嘅滷牛筋算得上係最為入味、軟腍。係草根中意富有膠質，笠痴痴嘅感覺🤤而滷牛肉都比想像中濃味😍好不錯👍🏻
豆魚(腐皮、芽菜)($32)
Bean Sprouts Wrapped in Thin Sliced Bean Curd
豆魚草根都係第一次食，店員話之前斷貨，最近先有番，推介草根試試☝🏻。原來豆魚係用了腐皮包住大量芽菜，芽菜都算粗粗壯壯👍🏻發育良好😂，口感十分爽脆，可惜醬汁太少😅味道較為清淡單調。
冬瓜檸檬珍珠茶 ($31)
Winter Melon Lemon Drink with Pearls
嗱嗱嗱，因為大家都讚👍🏻，草根都點左呢杯飲品🍹。第一次飮冬瓜檸檬珍珠茶，其實味道比想像中好，味道清新，加上特級煙韌嘅珍珠，唔會太甜🙌🏻嚟到可以一試！
Search